31 / 03 / 2020

BOS  DÍAS A TOD@S !!!   Que tal ides co traballo na casa???

Esperamos que non teñades problema. Poñede ATENCIÓN e ganas para facelo ben e rematar o antes posible!!!

Comezamos co traballo de hoxe, MARTES !!!


En primeiro lugar facedes MATEMÁTICAS.Seguides traballando coas unidades de capacidade e de peso.Ter moito coidado co paso dunhas unidades a outras. Repasar de  novo as táboas ou as escaleiras dos litros e dos gramos.Cando baixan, engadimos ceros, cando suben, quitamos ceros.
                        
Poñedes na páxina 125 e facedes as actividades 8, 9 e 10.


Continuades con L.GALEGA e abrides o libro na páxina 137. Ledes con calma o poema da actividade 4 e respondedes ás preguntas que aparecen ao rematar dito poema.

 Logo, facedes a actividade 5, onde tedes que poñer de que palabra provén cada un deses grupos de palabras derivadas que temos aí.

Rematades lingua galega facendo as actividades 6 e 7. 
.

Por último, colledes o libro de SOCIAIS e, con calma e entendendo, ledes as páx.84 e 85 e contestades de xeito ORAL as actividades da páxina. Despois, facedes un repaso do tema que estamos traballando.


IMPORTANTE !!!

 Queremos lembrarvos que aínda non estades de vacacións. Queda pouco. As tarefas que vos propoñemos,  NON SON DEBERES,  son as tarefas que teríamos que estar facendo na clase e que agora, polo motivo que todos sabedes, témolas que facer na casa.  


ÁNIMO E ATA MAÑÁN !!!

                                    😉😉😉

30 / 03 / 2020

BOS DÍAS!!!  XA ESTAMOS DE VOLTA!!!


Iniciamos unha nova semana na que esperamos que sigades traballando coas mesmas ganas e co mesmo ritmo da anterior.


Sodes uns auténticos CAMPIÓNS !!!



En primeiro lugar, colledes o libro de L.GALEGA e voltades a ler o resumo que fixestes o xoves pasado, para facer un repaso do tema no que estamos. Logo, facedes as actividades 1, 2 e 3. 
Na 1,  tedes que poñer o número de cada froito e ao lado o seu nome, na 2 e na 3, facedes o que vos pide o enunciado.



En MATEMÁTICAS ides a páxina 124 e ledes con moita calma o repaso da unidade, entendendo ben o que pon. A continuación, facedes os exercicios 2, 3, 4 e 5. Ter  moito coidado co paso das unidades !!! Utilizade a escaleira ou a táboa para non equivocarvos.



Na área de L.CASTELÁ poñedes na páxina 132 e copiades e completades o resumo da unidade 8. Xa sabedes como se fai. Ao longo do tema, nos recadros, atopamos as respostas. Facelo con boa letra e sin faltas de ortografía.



Rematamos con NATURAIS, abrimos o libro na páxina 73, lemos a pregunta "A conservación dos alimentos" e o apartado "Sabías que?

Agora, podemos aproveitar para levantarnos e comprobar que alimentos consevamos no frío e cales conxelados . Tamén podemos ir a despensa e ver os que temos en conserva (fíxate na data de caducidade).

A continuación, sentámonos e lemos a pregunta "Prácticas saudables para a nutrición". Realizamos un mapa mental con cada unha delas.




Con todo isto, rematamos por hoxe. Lembrade que, ademáis de facer as tarefas propostas, hai que ler cada día o que imos dando de Naturais ou de Sociais,  repasando sempre o anterior (como facemos na clase).



LEMBRADE que tedes que entrar na páxina de INGLÉS para facer as actividades que pon RANI !!!



POR HOXE, NADA MÁIS. 


ÁNIMO E ATA MAÑÁ CAMPIÓNS !!!

27 / 03 / 2020

BOS DÍAS !!!  XA CHEGOU A FIN DE

 SEMANA!!!


Se xa estamos listos, imos comezar o antes posible, para disfrutala ao máximo.
Lembrade prestar moita atención ao que ledes, intentando entendelo, para facer ben as 
actividades, copiando sen faltas e con boa letra.

Comezamos con L.CASTELÁ e facedes o desafío da páxina 130. Queremos propoñervos que cada un de vós faga un plano da súa aula.
Primeiro ledes a actividade 1 e vedes como está feito o plano dese comedor. Logo, tedes que lembrar como tiñamos a clase e por último tendo en conta as actividades 2 e 3, facedes o voso plano. Supoñemos que nadie se esquecería de como estaba... Si alguén non é capaz de facer o da clase porque non pode visualizala que faga o plano do seu cuarto. Gustaríanos que nolo enviásedes a través do correo cando o teñades rematado!!! 

Seguimos con MATEMÁTICAS e poñedes na páxina 123. Tedes que facer sumas e restas de medidas de capacidade e de peso. Lembrar que hai que pasar todas as medidas a mesma unidade (sempre á máis pequena) e despois sumades ou restades as cantidades (sin esquecer de poñer as unidades). Ledes detidamente o cadro do comezo da páxina e facedes as actividades 1, 2 e 3.
Para rematar Mate, facemos esta división coa súa proba :
               8 5 9 6 4 7 : 36

Agora pasades a SOCIAIS e ides a páxina 83, ledes con calma o Taller de Xeografía e facedes o apartado "Sabías que...?" sobre os voluntarios, tan presentes e necesarios neste momento que estamos a vivir.
O que se anime tamén pode facer a actividade 24 onde deseñará unha sinal informativa para sair correctamente dun vehículo (as sinais informativas son cadradas e de cor azul).



Por fin, xa rematamos as tarefas de toda a semana.

Merecemos un descanso. NECESITÁMOLO!!!

PARABÉNS POLO VOSO ESFORZO!!!


As profes queremos agasallarvos con este vídeo tan especial sobre a chegada da PRIMAVERA nun momento tan complicado. DISFRUTÁDEO !!!

VOLTAMOS O LUNS!!!

26/03/2020

BOS  DÍAS  A  TOD@S!!!


Que tal estades? Preparados para comezar o traballo proposto para hoxe ?

Si?  Pois imos aló!!!

Empezamos por L.GALEGA e, como xa rematamos o Tema 8, facedes un repaso da unidade copiando e completando o resumo da páxina 136. Xa sabedes como hai que facelo!


Seguimos con MATEMÁTICAS na páxina 122. Imos traballar coas expresións complexas (cando utilizamos dúas ou máis unidades) e incomplexas (cando utilizamos unha soa unidade).
Lembrade que podedes utilizar a táboa de unidades para pasar as expresións de complexas a incomplexas ou de incomplexas a complexas. Poñendo a táboa resulta moito máis doado!!!

kg	hg	dag	g	dg	cg	mg

Despois realizades as actividades 1,2,3 e 4.

Agora toca L.CASTELÁ. Poñedes na páxina 129 e ledes, con moita calma, os cadros cos recursos literarios (a comparación, a personificación e a metáfora) .
A continuación, facedes a actividade 1 (lendo os textos e contestando ás preguntas que aparecen debaixo) e o Taller Literario, completando as comparacións coa parte que lles falta.



Pasamos a C.NATURAIS , ledes a páx.72, con moita calma enténdendo ben o que di. Despois  copiades  e debuxades "Os Nutrientes" na libreta ou, se vos animades, podedes facelo en forma de esquema ou mapa mental e buscar nos folletos do supermercado fotos de alimentos onde predominen cada un dos nutrientes .Deixámolo a vosa elección.

IMPORTANTE!!!!

As fichas das plantas medicinais debedes facelas en lingua galega, porque, como xa sabedes, a presentación do proxecto sempre a facemos en galego. 
  

Para rematar, as profes queremos felicitarvos a todos polo voso traballo, que comprendemos que ás veces non resulta doado nin sinxelo e darvos as grazas polos vosos correos .


Ánimo! E que pasedes un Bo Día!!!

VOLTAMOS MAÑÁN!!!

LET'S GO FOR A WALK!

Que non se poida sair da casa non significa que non poidamos ir a dar un paseo! Marieta e Rani lévannos a visitar os Museos máis interesantes.

Podemos ir ao Tate de Londres http://www.tate.org.uk

á Galería Nacional de Berlín https://www.smb.museum/en/home.html

ao MoMA en Nova Iorque https://www.moma.org/

ou ao Reina Sofía en Madrid https://www.museoreinasofia.es/

Que obra chamouvos máis a atención?? Cal é a vosa favorita? Por que? Apetécevos debuxala? Ou facela con cousas que teñades na casa? Se está relacionada coas plantas tamén serve para o proxecto!
Se queredes, mandádelle os resultados a Marieta marietapon@gmail.com ou a Rani ranipaz73@gmail.com

Desfrutade, o corpo queda na casa, pero a imaxinación voa!!

25/03/2020

BOS DÍAS!!!   QUE TAL IMOS CO NOSO TRABALLO???

Xa estamos a MÉRCORES!!!  e... antes de comezar coa nosa tarefa, queremos dicirvos que estamos moi contentas cos correos que nos estades enviando e, polo que nos contades, parece que non estades a ter moitas dificultades para facer o traballo que vos propoñemos.

Aínda faltan algúns por envialo, esperamos recibilos canto antes.

Hoxe  empezamos por L.CASTELÁ. Poñedes na páxina 128 e ledes o cadriño azul que  fala dos formularios e das enquisas. Vedes a diferencia que hai entre un e outro. Realizades a actividade 1 copiando o formulario. A continuación facedes no "Taller de Expresión" os dous primeiros puntos, elaborando preguntas para a enquisa e poñendo debaixo as respostas ( como o exemplo que aparece no libro). O terceiro punto non o facedes.

Cando rematedes, pasades a MATEMÁTICAS. Repasamos as medidas de peso ( kg hg dag g dg cg mg ) e seguimos coas actividades da páxina 121. No último exercicio só facemos a primeira cuestión.

Agora pasades a L.GALEGA e ides a páxina 133.Copiades o cadriño azul e facedes as actividades 1 e 2. Ledes o texto con  calma e logo contestades as preguntas que hai sobre ese poema.


E para rematar, SOCIAIS. Repasades as páxinas 80 e 81 que falan do traballo e dos distintos sectores económicos (primario,  secundario e terciario). Distinguides ben as actividades que se realizan en cada un deles e continuades facendo as actividades 21e 22 e os que poidan entrar en Celmedixital fan tamén a 23. Os que non poidan entrar, que non se procupen. Non a teñen que facer.


IMPORTANTE!!!


Seguimos insistindo en que vaiades ás páxinas de INGLÉS e de E.FÍSICA para realizar as diferentes tarefas que atoparedes alí.




Por hoxe, XA REMATAMOS!!! ATA MAÑÁN !!!


TRABALLADE MOITO!!!   BIQUIÑOS PARA TOD@S!!!

24/03/2020

BO DÍA  A  TOD@S!!!  Dende as nosas casas , as titoras de 4º, desexamos que esteades a pasalo o mellor posible e que as tarefas que estamos mandando sirvan para facer os días máis curtos e poidades estar o máis entretidos posible .

Tamén queremos que nos enviedes o correo que vos pedimos onte.
É importante, necesitamos saber como vos vai. Algúns xa o mandaron, pero aínda faltan bastantes. 

Agora imos continuar coas tarefas de hoxe:

En L. GALEGA  poñemos na páxina 132 e traballamos "As normas" facendo as actividades 1 e 2 . Logo facedes o Obradoiro de Expresión coas súas actividades. Queremos que o fagades con boa letra e ben presentado.Tedes moito tempo!


Seguimos con MATEMÁTICAS e abrimos na páxina 120. Agora tocan as medidas de peso :  kg  hg  dag  g  dg  cg  mg . Podedes facer unha escaleira con elas e logo as actividades da páxina.
Lembrade: sempre que pasamos de unidade maior a menor multiplícase e,pola contra, de menor a maior, divídese.
Si multiplicamos, engadimos ceros e si dividimos, quitamos ceros, tantos como peldaños subamos ou baixemos na escaleira.
Como pensamos que estas actividades remátanse rápido, faredes tamén a seguinte división coa súa proba:

          895436 : 27

Rematamos con NATURAIS indo a páxina 71 e facendo (os que aínda non o fixeron) os debuxos do Aparato Circulatorio e do Aparato Excretor coas súas partes e copiando os cadros coa función de cada órgano.

Tamén nos gustaría que cada un de vós buscara información en internet e elaborara unha ficha nun folio dunha PLANTA MEDICINAL (a que queirades)  na que deberedes incluir (si podedes , unha imaxe da planta elexida ) e logo a seguinte información:

- Algunhas características da planta.
- Beneficios que nos proporciona.
- Usos máis comúns.

Si non podedes poñer a imaxe, non vos preocupedes.Poñerédela cando voltemos ao cole. O que nos interesa é a información para ir adiantando co  noso PROXECTO.

Esta tarefa podedes ir facéndoa durante toda a semán.O luns teredes que enviarnos unha foto para ver como vos quedou a través do noso correo. Podedes poñerlle todos os adornos que queirades. Facela con cariño e con moita calma para que quede o mellor posible!!!


IMPORTANTE!!!

Entrar na páxina de INGLÉS que tedes na dereita, que Rani está preocupada por saber si estades facendo as tarefas que vos propón.

A profe de MÚSICA díxonos que practiquedes moito na flauta a última canción que vos deu .Agora tedes moito tempo e coa vosa música podedes animar a toda a familia e aos veciños!!!ja, ja,ja

SI TEDES ALGUNHA DÚBIDA SOBRE ALGO, FACÉRNOLO SABER A TRAVÉS DO BLOG OU A TRAVÉS DO NOSO CORREO!!!

VOLTAMOS MAÑÁN!!! APERTAS PARA TOD@S !!!


                                                                                                                                               

23/03/2020

BOS DÍAS!!!  Xa estamos outra vez con todos vós.Non vos esquecemos! Que tal estades levando este encerro sin poder saír da casa?  Esperamos que esteades o mellor posible.Témolo que facer.

  " É POLO BEN DE TODOS "

Ás profes gustaríanos que nos escribirades un correo electrónico (que fai algún tempo vimos na clase como se facía) contándonos que tal vos vai, si as tarefas que poñemos son suficientes, si necesitades axuda, como vos sentides, si botades de menos o cole, os amigos, a nós ...  Bueno, imos comenzar coas tarefas que vos propoñemos para hoxe.

Na área de L CASTELÁ queremos que todos os que poidades nos enviedes o correo que propuxemos anteriormente. Os que non poidan envialo, poden escribir unha carta (que tamén xa vimos como se facía) e xa a leremos á volta. Todo isto témolo que facer sen faltas de ortografía e redactando o mellor posible en castelá.

En MATEMÁTICAS repasamos as medidas de capacidade da páxina 118, lembrando a escaleira, que cando baixa, multiplica por 10 e cando sube, divide entre 10. Despois de repasar, facemos as actividades da páxina 119, incluído o cálculo mental que vos sirve para xogar cos vosos pais a ver quen é máis rápido. Unha pista, para multiplicar un número de dúas cifras por 4, primeiro multiplico ese número por 2 e o que me de, volvo a multiplicalo outra vez por 2. A ver que tal o facedes!!!

  Seguimos con L. GALEGA e como o sábado foi o día da poesía,  
queremos  que cada un de vós intente facer unha, en galego, adicada a PRIMAVERA que acaba de chegar. Sabemos que sodes
uns grandes poetas, moi creativos, e de que  podedes facelo moi ben! Á volta , cada un terá que recitar a súa poesía na clase e agasallarnos a tod@s coa súa creación.


Imos rematar con SOCIAIS. O tema que estamos dando está moi adecuado co tempo que nos está tocando vivir. Si prestades atención nalgún momento ás noticias, veredes como os nosos representantes no Goberno están dando as ordes necesarias para que todo salga o mellor posible e os cidadáns temos a obriga de cumplir as normas e facer caso do que eles están dicindo: "QUÉDATE NA CASA".Nós, como bos cidadáns, estamos a facelo.
Despois de que leades todo isto, imos ir a páxina 78 e facer as actividades propostas nela.

IMPORTANTE!!!

Non  sabemos si o estades facendo, non dixemos nada, pero a partires de hoxe, lembrar que queremos que cada día poñades a data e de que copiedes os enunciados de todas as actividades sin faltas de ortografía. Así imos mellorando a nosa escritura.

NON VOS ESQUEZADES DE ENVIARNOS O CORREO!!!

Os de 4º A teñen que envialo a:marydf@hotmail.es

Os de 4º B envíano a : gemamalvido59@gmail.com

Si tendes algunha dúbida sobre calquera cousa tamén podedes enviarnos un correo a esas direccións. Daremos resposta a tod@s o antes posible.Queremos estar en contacto con vós!!!


MOITOS BIQUIÑOS E ATA MAÑÁN!!!

18/03/2020

Xa chegamos ao mércores!!!!Que tal imos? Ánimo, que temos a ponte para descansar !!!

Continuamos coas tarefas para este día.

Comenzamos con L.CASTELÁ,  imos a páxina 127, copiamos o  cadro do campo semántico ( palabras que teñen un significado común ) e facemos as actividades da páxina. Tamén podemos acceder á páxina web www.anayaeducacion.es e ir vendo e realizando as actividades propostas do tema 8 no que nos atopamos.

En MATEMÁTICAS imos a páxina 118, repasamos as medidas de capacidade ( lembrade que a escaleira sube e baixa igual que nas medidas de lonxitude ) e intentamos facer as actividades das páxinas 118 e 119. Tamén nesta materia podemos acceder a páxina de Anaya.
Xa sabedes, si tedes dúbidas anótadeas no"caderno de dúbidas",
pero INTENTÁDEO.  (Errándo e correxindo tamén aprendemos).

Para rematar Mate e non esquecernos da división,faremos esta conta de dividir coa súa proba:

                   987435 : 42 

  Na área de L.GALEGA faremos a tarefa competencial da páxina 134 da Nosa Cultura adicada á "MURALLA DE LUGO" . Lemos esa pequena referencia que nos fan das murallas e contestamos ás preguntas.Hai que copiar os enunciados e responder.

           Podemos buscar información en internet sobre ela, pois foi declarada Monumento Nacional e recoñecida como Patrimonio da Humanidade. Tamén podemos vela virtualmente, pois ir ata alá, agora mesmo é, MISIÓN IMPOSIBLE!!!!


OLLO !!!

Lembrar que, a" SEMANA DA CIENCIA " vaise facer á volta e  que podedes adicarvos a facer un invento con tempo e moita calma para sorprendernos a todos cando regresemos.
   
 USADE A VOSA IMAXINACIÓN PARA PODER FACER DA NADA UN MUNDO.

FELIZ   PONTE  PARA TODOS!!!
                               
VOLTAMOS O LUNS!!!

17/03/2020

Bo día!!! Que tal imos coas tarefas propostas?   
Esperamos que BEN,se non é así, podedes facer un pequeno caderno coas dúbidas que teñades en calquera materia,para poder solucionalas  á volta.

Hoxe martes imos comezar con L.CASTELÁ. Abrimos o libro na páxina 126 e traballamos coas familias de palabras.Podemos copiar o cadro e facer as actividades da páxina.Lembrade, son familia e PARÉCENSE.

Seguimos con L. GALEGA facendo un REPASO do Tema no que nos atopamos e continuamos na páxina 131 facendo as actividades e copiando o Obradoiro Ortográfico coa actividade 2.
Non esquezades de copiar SEN FALTAS.
 

Agora pasamos a NATURAIS e imos a páxina 71, onde nos atopamos co Aparato Circulatorio e o Aparato Excretor. Lemos detidamente o funcionamento deses aparatos e facemos a actividade proposta. Tamén podemos acceder a smCelmedixital.com e utilizar os recursos interactivos propostos.
Ademáis como todos sodes pequenos artistas,podedes debuxalos  e escribir as súas partes.
Tamén podedes buscar en google vídeos sobre eles que hai moitos e moi interesantes.


Lembrarvos que o profe de Educación Física ten un enlace ao seu blog na parte dereita da páxina e a profe de Inglés tamén:

Clase de Alberto

Clase de Rani.

DISFRUTADE DE TODAS ESTAS ACTIVIDADES!!!

O luns 16 de Marzo deberedes...

Coller o libro de lingua galega pola páxina 130 e ler o texto da actividade 1 e as normas ortográficas das palabras que se escriben con "B" e ir facendo as actividades 2,3 e 4. 

Na área de Matemáticas iniciamos o Tema 8 repasando as medidas de capacidade e de peso nas páxinas 116 e 117. Copiamos os cadros das equivalencias do litro e do kilo e facemos ás actividades da pax 117.

Seguimos traballando e agora toca Sociais.Abrimos nas páxinas 80 e 81, lemos e observamos as imaxes fixándonos ben nos distintos tipos de sectores económicos e realizando as actividades propostas nestas páxinas. Tamén podedes entrar en smCelmedixital.com e utilizar os recursos interactivos do Tema 4.